အရှင်နာဂ၀ံသာလင်္ကာရမှ လှိုက်လှိုက်လှဲလှဲ ကြိုဆိုပါတယ်

Friday, August 28, 2009

လူသားတို့၏စိတ်သည် မကောင်းမှု့ဝယ် မွေ့လျှော်လွယ်၏....
အာရုံငါးပါးဝယ်မိန်းမောလွယ်၏..အာရုံငါးပါး၏ ဖျားယောင်းမှု
အောက်ဝယ် အလူးအလဲခံစားနေကြရ၏...
ံအဆင်းလှတာလေး မြင်ရတော့ရင်ခုန်၏..ကိုယ်ကြိုက်တဲ့အသံ
လေးကြားရပြန်တော့ပီတိဖြစ်ရပြန်သည်..အနံ့အသက်ကောင်း
လေးရူရပြန်တော့ ရင်ဝယ်လန်းရပြန် ချေ သည်..အတွေ့အထိ
ကောင်းလေးထိလိုက်ရ တို့လိုက်ရပြန်တော့ မျက်နှာဝယ်
တစ်ပြုံးပြုံးဖြင့်...ပီတိတုံးလေးငုံထားရသည့်ပမာ...
လန်းနေရပြန်သည်..
ထိုသို့ဖြစ်သည်မှာ မထူးဆန်းခြေ..
အဘယ်ကြောင့်ဆိုမှု..လူဆိုသည်ကား...အာရုံငါးပါး၏လှည့်
ဖျားမှုအောက်ဝယ်..ဒူးထောက်အညံ့ခံနေရသည်မှာ အစဉ်
အလာလိုပင် ဖြစ်နေချေသည်မဟုတ်ပါလော..
ထိုအာရုံ ငါးပါး ကာမဂုဏ်တရားဆိုသည်မှာ ရေစုန်နှင့်တူခြေ
သည်....ရေစုန်ဝယ်သွားရသည်မှာပင်ပန်းသည်မဟုတ်..
ရေစုန်ဝယ်သွားရသည်မှာ...အလွန်ပင်လွယ်ကူ၏...ရွက်လေးဖွင့်
့တက်လေးလွင့်ပြီး..စကားတပြောပြောနဲ့.. ကမ်ခြေကိုငေးမေားရင်း..
ကောင်းကင်ပြာပြာကြီးကို ရင်ဘတ်ကြီးနဲ့ခံစားရင်..သွားရသည်မှာ
လွမ်းမောဘွယ်ကောင်းခြေ၏...
အကုသိုလ်ဒုစရိုက်တရားတို့သည်လည်း ရေစုန်
လမ်းပင်ဖြစ်သည်...သူတစ်ပါးအသက်သတ်တာတွေ..
သူဥစ္စာခိုးတာတွေ..သူတစ်ပါးသားမယားပြစ်မှားကျူးလွန်
တာတွေ..လိမ်လည်ပြောဆိုနေတာတွေ..အရက်သေစာ
သောက်စားနေတာတွေ...ဒါတွေအားလုံးရေစုန်ပင်ဖြစ်သည်....
ရေစုန်ဆိုသည်မှာ သွားရလွယ်ကူ၏..လူသက်သာ၏..မပင်ပန်း..
လူတိုင်းလုပ်နိုင်၏....ဘာမှ အထင်ကြီးစရာမရှိ....
ရေစုန်ကိုလိုက်မိသဖြင့် မဖြစ်သင့်တာတွေဖြစ်ကြရ..
ဖြစ်သင့်တာတွေ..လက်လွှတ်ဆုံးရှုံးကြရဖြင့်ခဏတာ
နားခိုနေရသော လူ့ဘ၀ကြီးကို....အငိုမျက်လုံး..အပြုံး
မျက်နှာဖြင့်...ဘ၀ကို အဆုံးရှုံးမခံသင့်ခြေ..
ရခဲကြုံခဲလှသော လူ့ဘ၀ကြီးကိုရခိုက်..မိမိအကျိုးစီးပွား ..
သူတစ်ပါးအကျိုးစီးပွား..လောကအကျိုးစီးပွားကို ဆောင်ရွက်
နိုင်သော သူတော်ကောင်းသူမြတ်ကောင်းများဖြစ်ကြပြီး
ရေစုန်တရားများမှ ဝေးစွာရှောင်နိုင်ကြပါစေဟု..တိုက်တွန်းရင်း
အားလုံးကျန်းမာချမ်းသာ လိုရာဆန္ဒပြည့်ဝကြပါစေ

Thursday, August 27, 2009

နေ့စဉ်သုံးစွဲနေရသော အရာတို့တွင် စကားပြောခြင်းသည်လည်း တစ်ခုအဖြစ် မဖြစ်မနေလုပ်ဆောင် နေကြ ရပေသည်.. ထိုစကားလေးကြောင့်ပင် ချမ်းသာသွားသူများရှိသလို ရုံးရောက် အချုပ်ရောက်သွားသူများလည်း ရှိသည်..ဒုက္ခရောက်သွားသူတို့သည်လည်း တစ်ပုံတစ်ပင်...ထိုစကားကို ကျွန်ုပ်တို့ တစ်ယောက်နှင့်တစ်ယောက် ဆက်သွယ်ကြရာတွင်..ကြားခံအဖြစ်ထားကာ တစ်ယောက်အကျိုး တစ်ယောက် ဆောင်ရွှက်ကြရသည်..ရပ်အကျိုး ရွာအကျိုး နိုင်ငံအကျိုးကို ဆောင်ရွက်ကြရသည်..မုန်းသူကို ချစ်သူဖြစ်အောင် လုပ်နိုင်သလို ချစ်သူကို မုန်းသူဖြစ် အောင်လည်း ထိုစကားသည် လုပ်ဆောင်နိုင်ပေသည်...
စကားအပြောကောင်းသဖြင့် ပရိတ်သတ်တို့ရဲ.အထင်ကြီးမှုကိုခံယူကာ မိမိအကျိုးစီးပွားဖြစ်အောင် လုပ် ဆောင် သွားနိုင်သူတို့သည်လည်း ကျွန်ုပ်တို့လောကတွင် မျက်မြင်တွေ့နေရသည်မဟုတ်ပါလော....
ထိုစကားကို...တစ်ချို့သည်...မစင်နှင့်တူအောင်ပြောတတ်သူလည်း ရှိ၏..တစ်ချို့သည် ပန်းကလေးများ နှင့်တူအောင် ပြောတတ်သူလည်းရှိ၏.. တစ်ချို့ကြတော့ ချိုမြိန်ကောင်းမြတ်အရသာရှိသော မုန့်နှင့်တူအောင် ပြောတတ်ကြပေသည်...
လူထုအလယ် ပရိသတ်အလယ်ဝယ် မိမိအတွက် သို့မဟုတ် ကိုယ့်ပရိသတ်အတွက် ဓနငွေကြေးရဘို့ ရယ်ရွယ်ပြီး တစ်ချို့သည် မသိဘဲနဲ့ သိသလိုလို မမြင်ဘဲနဲ့ မြင်သလိုလိုဖြင့် လိမ်လည်ပြောကြားနေသူကို မစင်ကဲ့သို့ ရွှံဘွယ်ရှိသူဟု ဆိုထိုက်ပါသည်...
မိမိအတွက် သို့မဟုတ် ကိုယ့်ပရိသတ်အတွက် ဓနငွေကြေးရဘို့ ရယ်ရွယ်ပြီး တစ်ချို့သည် သိတာကို သိတဲ့အတိုင်း မြင်တာကိုမြင်တဲ့အတိုင်း ပွင့်ပွင့်လင်းလင်းပြောတတ်သူကိုတော့ ပန်းစကားကို ပြောတတ်သူဟု ဆိုထိုက်ပေသည်....
တစ်ချို့ပုဂ္ဂိုလ်များကြပြန်တော့လည်း ....ပြောတတ်လိုက်တာ...ကြားရတာ နားချမ်းသာ၏.. အပြစ်ကင်းပြီး ရင်ဘတ်ထဲသို့ စိမ့်ကနဲဝင်သွား၏... ကြမ်းကြမ်းတမ်းတမ်း ရိုင်းရိုင်းစိုင်းစိုင်း မပြော.... ထိုသို့ပြောတတ်သူကိုတော့ ချိုမြိန်ကောင်းမြတ် အရသာရှိသော မုန့်ကလေးနှင့်တူသော စကားကို ပြောတတ်သူဟု ဆိုခြင်ပါသည်.... ထိုကြောင့် ကျွန်ုပ်တို့ နေ့စဉ်ပြောနေကျ စကားကို အလေးအနက်ထားပြီး မိမိလည်း အကျိုးရှိအောင် သူတစ်ပါးလည်းအကျိုးရှိအောင် နှစ်ဦးနှစ်ဘက် အကျိုးရှိအောင်..စကားကိုဆိုကြပါစို့လားဟု..အလေးထားကာ ရေးသားလိုက်ရပေသတည်း...

Wednesday, August 26, 2009

လိုခြင်တာကို မရက အလွန်ပင် ပင်ပန်းလှခြေ၏.. လိုခြင်ခြင်းသည်...ရနိုင်တာကို ဖြစ်နိုင်တာကို လိုခြင် ရခြင် က သိပ်မဆိုး..မရနိုင်တာ မဖြစ်နိုင်တာကို မှန်းက ကိုယ့်ကိုယ်ကို သနားဘို့ပင် ကောင်းလှ၏.. သက်တမ်း တိုတောင်းလှသော လူ့ဘ၀၀ယ်.. အဘယ်ကြောင့် စိတ်ပင်းပန်းမှုတို့ဖြင့်....အချိန်ကို ကုန်ဆုံးခြင်ပါလိမ့်... ပျော်ပျော်ရွှင်ရွင် ငြိမ်းငြိမ်းချမ်းချမ်းဖြင့် မိမိအကျိုး.. သူတစ်ပါးအကျိုး လောကအကျိုးကို ကိုယ်စွမ်းနိုင်သလောက် ဆောင်ရွှက်သွားခြေက ဘ၀သည် ပျော်စရာကောင်းသည်မဟုတ်ပါလော.... မဖြစ်နိုင်တာကြီးကို မျှော်တလင့် လင့်ဖြင့် စောင့်စားရင်း ကိုယ့်ကိုယ်ကို အပင်ပန်းမခံသင့်ခြေ....
လောကမှာ...မမျှော်လင့်ရဲသူ...မျှော်လင့်ချက်ရှိသူ....မမျှော်လင့်တော့သူ...ဆိုပြီး သုံးဦးရှိပါတယ်...
မမျှော်လင့်ရဲသူဆိုသည်မှာ... လမ်းဘေးမှာ တောင်းစားနေသော တတောင်းစား ဆင်းရဲသား..ရုပ်ရည်ကလည်း ခါးကကုန်းနေတဲ့အပြင် ခန္ဓာကိုယ်ကလည်း ကောက်နေ၏..ခြေကလည်း ခွင်သေး..မျက်စိကလည်းမမြင်ရှာဘူးတဲ့.....တစ်ခြားရောဂါတွေကလည်းပေါလိုက်တာ...အဲဒီပုဂ္ဂိုလ်တတောင်းစား ကတစ်နေ့မှာကြားသတဲ့...ဘယ်နိုင်ငံကဘယ်သူ့..ဘယ်သူကိုမင်းတင်မြှောက်လိုက်ပြန်ပြီ တဲ့...အဲဒီလိုကြားလို့.. တတောင်းစားလေးမှာ ခုလို အကြံမဖြစ်ဘူးတဲ့..ငါ့အား ဘယ်နေ့ ဘုရင်တင်မြှောက်မှာပါလိမ့်...ဆိုတဲ့ စိတ်ကူးပေါ့......အကယ်တန္တုထိုတတောင်းစာလေးသည်..ဘုရင်အဖြစ်စိတ်ကူးများယဉ်နေခဲ့သော်...ကိုယ့်ကိုယ်ကို ညှင်းဆဲရာပင် ရောက်နေပါလိမ့်မည်....
မျှော်လင့်ချက်ရှိသူ..ဆိုသည်မှာ...မင်းအဖြစ်အတင်မြှောက်ခံရသေးတဲ့ ရှင်ဘုရင်ရဲ သားကြီး...ဘယ်နုိုင်ငံက ဘယ်သူကို မင်းတင်မြှောက်လိုက်ပြန်ပြီတဲ့..အဲဒီအကြောင်းကို အိမ်ရှေ့မင်းသားကြီးက ကြားသော်..ငါ့အားလည်း ဘယ်နေ့မင်းအဖြစ်တင်မြှောက်မှာပါလိမ့်...သူကတော့မျှော်လင့်ချက်နဲ့အသက်ရှင်နေသူပေါ့..တကယ်တမ်းလည်း သူ့မှာ မျှော်လင့်ဘို့ အခွင့်အရေး ရှိတယ်လေ..သူမျှော်လင့်တာကလည်း သူဖြစ်နိုင်တာကို မျှော်လင့်တာ မဆိုးပါဘူး..ကောင်းပါတယ်...
မမျှော်လင့်တော့သူ..သူကား ဘယ်သူပါလ်ိမ့်...ရှင်ဘုရင်တဲ့..ဟုတ်တယ်လေ..ဘယ်နိုင်ငံက ဘယ်သူကို မင်းမြှောက်လိုက်ပြန်ပြီတဲ့..ရှင်ဘုရင် ကြားတဲ့အခါ...ငါ့အား ဘယ်နေ့ မင်းမြှောက်မှာပါလိမ့်ဆိုတဲ့..စိတ်ကူးမျိုး မျှော်လင့်ချက်မျှိုး ရှင်ဘုရင်မှာ မရှိတော့ဘူးတဲ့... ဘာဖြစ်လို့ ရှင်ဘုရင်မှာ အဲဒီမျှော်မှန်းချက်မျိုး စိတ်ကူးမျိုး မဖြစ်ပေါ်လည်း...စာဖတ်သူ မိတ်ဆွေတို့သာ ..ဆက်ပြီး အဖြေရှာပေတော့

Tuesday, August 25, 2009

လူသားတိုင်းသည်..မျှော်လင့်ချက်ကိုယ်စီဖြင့်...ဘ၀ရဲ့တောက်ပမည့် အချိန်ကို အားကိုးတကြီးဖြင့် လှမ်းမျှော် နေကြ၏.. ရွှေရောင်နေ့ရက်များကို ကိုယ်စီမျှော်ရင်း....ထင်တဲ့အတိုင်း ဖြစ်မလာဘဲဘ၀ကို ကုန်ဆုံးသွားသူများ ရှိသလို... မျှော်လင့်ချက်ပြည့်ဝသဖြင့် စိတ်ရှိတိုင်း ခံစား စံစားပြီး ဘ၀ အမေ့ကြီးမေ့နေသူများလည်း အများအပြား ပင်ရှိသည်....မျှော်လင့်တိုင်း ဆန္ဒပြည့်သူများရှိသလို ...မျှော်လင့်တဲ့ အတိုင်း..ဖြစ်မလာသဖြင့်..စိတ်ညစ်ညစ်နဲ့ ခွက်ပုန်းရေသောက်ရင်း...သောကနေ့ရက်တွေကို..ကုန်လွန်စေသူများ ရှိပေသည်။
တစ်ခါက ကျေးဇူးတော်အနန္တသခင် မြတ်ဗုဒ္ဓအရှင်သူမြတ်သည်..ရဟန်းတော်များအား..ဈေးသည်နှင့် နိုင်းကာ သွန်သင်ခဲ့ပေသည်...
ရဟန်းတို့...ဒီတရားသုံးပါးနှင့် ပြည့်စုံသော ဈေးသည် သည်..မရသေးသော စည်းစိမ်ကိုလည်း မရရှိနိုင်..ရရှိပြီး သော စည်းစိမ်သည်လည်း မတိုးပွားနိုင်..
အဘယ်တရားသုံးပါတို့နည်းဟူမူ.............
(၁) နံက်ပိုင်းမှာလည်း အကြင်ဈေးသည် သည် ကောင်းကောင်းအလုပ်မလုပ်..
(၂) နေ့လည်ပိုင်းမှာလည်း အကြင်ဈေးသည်သည် ကောင်းကောင်းအလုပ် မလုပ်
(၃) ညပိုင်းမှာလည်း အကြင်ဈေးသည်သည် ကောင်းကောင်းအလုပ်မလုပ်ခြေ...ထိုတရားသုံးပါးနှင့် သုံးပါးနှင့် ပြည့်စုံသော ဈေးသည် သည် မရရှိသေးသော စည်းစိမ်ဥစ္စာကိုလည်း မရရှိနိုင်..ရရှိပြီးသော စည်းစိမ်ဥစ္စာသည်လည်း တိုးပွားမည်မဟုတ်...
ထို့အတူ ...ချစ်သားရဟန်းတို့သည်လည်း..ဖေါ်ပြပါတရားသုံးပါးနှင့် မပြည့်စုံက မရသေးသော ကုသိုလ်ကိုလည်း မရနိုင်... ရပြီးသော ကုသိုလ်သည်လည်း တိုးပွားမည် မဟုတ်ချေ..
အဘယ်တရားသုံးပါးတို့နည်းဟူမူ....
(၁) နံက်ပိုင်း
(၂) နေ့လည်ပိုင်း
(၃) ညပိုင်း..ထိုအချိန် သုံးချိန်လုံးမှာ ငါ၏ချစ်သား..ရဟန်းတို့သည် သမာဓိနိမိတ်ကို ကောင်းစွာ မဆောက်တည်...ထိုသို့ သမာဓိနိမိတ်ကို ကောင်းစွာ မဆောက်တည်လျှင် မရသေးသော ကုသိုလ်ကို ကောင်းစွာ မရရှိ...ရပြီးသော ကုသိုလ်လည်း..တိုးပွားမည်မဟုတ်ချေ....

Monday, August 24, 2009

လူတိုင်းလူတိုင်းပင် မိမိအတွက် ချမ်းသာရေး မိသားစုအတွက်ချမ်းသာရေး ရပ်ရွာအတွက် ချမ်းသာရေး စသည်စသည်ဖြင့် ခေါင်းစဉ်ကိုယ်စီတပ်ကာ စီးပွားရှာနေကြပေသည်.. ထိုသို့စီးပွားရှာကြရာတွင် တစ်ချို့လည်း တရားနည်းလမ်းတကျဖြင့် စီးပွားရှာ၏.. တစ်ချို့လည်း တရားနည်းလမ်း မကျတစ်ကျဖြင့် ..တစ်ချို့လည်း ကျွန်ုပ်တို့ လူမှုဝန်းကျင်က ဘယ်လိုမှ လက်မခံနိုင်သော နည်းလမ်းဖြင့် စီးပွားရှာကြသည်.. ငွေကြေးရှာပုံတော် ဖွင့်ကြ၏.. လူရယ်လို့ ဖြစ်လာမှတော့ အလုပ်ဆိုတာကိုတော့ လုပ်ကြရမှာဘဲ.. အလုပ်ကို ကြောက်နေလို့မဖြစ်..
မိမိမှာရှိသော ပညာ ငွေကြေးကို ချိန်ဆပြီး အလုပ်မှာ ရင်းနှီးမြုပ်နှံ ကြရသည်...ထိုသို့ လုပ်ကိုင် စားသောက် ကြရာတွင်..တစ်ချို့သည် မှန်ကန်သော တရားနည်းလမ်းကျသော လူသာဓုခေါ် နတ်သာဓုခေါ်သော နည်းလမ်းဖြင့် လုပ်ကိုင် စားသောက်ကြ၏.. တစ်ချို့သည်..သူများမျက်ရည်ကျမှ ..၀မ်းဝသော..နည်းလမ်းဖြင့်... လုပ်ကိုင်စား သောက်ကြပေသည်.. အကယ်တန္တု ယင်းသို့ သူများမျက်ရည်ကျမှ ၀မ်းဝသောနည်းလမ်းဖြင့် လုပ်ကိုင်စားသောက်ခြင်းသည် ကိုယ့်ဘ၀ကို ကိုယ်တိုင်ပင် အမြစ်ကလှန်ပြီး တူးဖြို ဖျက်ဆီးနေခြင်းပင်ဖြစ်သည်..
ကျွန်ုပ်ကြားသိခဲ့ရသော သတင်းလေးကိုပင် သင့်အား ဖေါက်သည်ချပါရစေလား...
သူကား..ဖိုးထူး..သူသည် သွက်သည်..ထက်သည်..လာဘ်မြင်သည်ငွေကြေးရှာဖွေရာတွင် သူသည် သူ့ရပ် သူ့ ရွာမှတော့အတော်အောင်မြင်သည်..တောင်သူလည်းလုပ်သည်..မြို့ပေါ်တက်ပြီးအရောင်းအ၀ယ်လည်းလုပ်သည်..
ငွေတိုးလည်းပေးသည်..တစ်ခါတစ်ရံ တရုပ်ပြည်လိုလို..တရုပ်နယ်စပ်လိုလို ထိုအရပ် ထိုဒေသများသို့သွားပြီး စီးပွား ရှာသည်ဟု ကြားရသည်... ဘွဲ့ရပြီး အလုပ်အကိုင်မရှိသော မိန်းကလေးများကိုပင် ဖိုးထူးကအလုပ်ရှာပေး သည်ဟု ကြားရသည်...
ထိုသို့ စီးပွာရှာကောင်းမှုကြောင့် ဖိုးထူးသည် ရပ်ရွာထဲတွင် စားနိုင်သောက်နိုင် မျက်နှာကြီးဖြစ်လာလေသည်.. တစ်နေ့ ဖိုးထူးနဲ့ပတ်သက်ပြီး သတင်းစကားများ တီးတိုးတီးတိုး ကြားရလေသည်။
ရွှေလီဘက် ပို့လိုက်တဲ့ ကောင်မလေးမိဘတွေက သတင်းမရလို့ စိတ်ပူနေသတဲ့..
တရုပ်နယ်စပ်မြို့က ဟိုတယ်တွေမှာ ကောင်မလေးတွေကို တွေ့ခဲ့ရသတဲ့..
ကောင်မလေးတွေက ဖိုးထူးကို မကျေနပ်ကြဘူးတဲ့..
သမီးရှင်တွေက မကျေနပ်ကြလို့ ရဲကို တိုင်သတဲ့...စသည်စသည်ဖြင့် ရပ်ရွာသံသယသည် ဖိုးထူးပေါ်ဝယ် တဖွဲဖွဲ ကျလာလေသည်... ကျွန်ုပ်ပြောခြင်သည်ကား..ဖိုးထူးအကြောင်းမဟုတ်..ဖိုးထူးဘ၀မဟုတ်...
ဒါနဲ့ ပတ်သက်ပြီး ..ကျွန်ုပ် စဉ်းစားမိသည်က....
ကမ္ဘာမှာ မှီတင်းနေထိုင်ကြသော ကျွန်ုပ်တို့အားလုံးသည်..
လူသားဆန်သော စိတ်ဓာတ်ဖြင့် လူ့လောကကြိးကို တည်ဆောက်နိုင်ကြရင်..
တစ်ဦးအကျိုးစီးပွားကို တစ်ဦးက ကူညီနိုင်ကြရင်... သိပ်ကောင်းမှာဘဲ..
တစ်ဥိးအကျိုး တစ်ဦးက လိုလားတဲ့ မေတ္တာ စေတနာ
တစ်ဦးအား တစ်ဦးက ထောက်ထား ငဲ့ညှာတတ်တဲ့..ကရုဏာ..
သူကောင်းစားက ကိုယ်က ကျေကျေနပ်နပ် ၀မ်းသာပေးနိုင်တဲ့ မုဒိတာ..
ကျွန်ုပ်တို့ နေထိုင်ရာ ကမ္ဘာကြီးတွင် ထိုတရားများ ရှင်သန်ဖွံ့ဖြိုးနေပါမူ...ကောင်းလေစွ


အရှင်ဘုရား...နေကောင်းတယ်နော်.
အင်း...ကောင်းပါတယ်
ဒကာလေးရော နေကောင်းတယ်မို့လား
တပည့်တော်လား..လူကတော့ကောင်းပါတယ်..စိတ်ကတော့ သိပ်မဟုတ်ခြင်ဘူးဘုရား..
အော်..ဒကာနှယ်..ဘယ်လိုဖြစ်လို့ စိတ်ကမကောင်းရတာလဲ..
အရှင်ဘုရားရယ်... ပြောကိုမပြောခြင်ပါဘူးဘုရား...
ဒကာလေး ရင်ထဲဝယ် မည်သို့ခံစားနေရမည်ကို သူမျက်နှာကြည်ရုံဖြင့်သိသာ၏..
ပျော်ပျော်နေတတ်သော ဒကာလေးသည် ယခု သူ့မျက်နှာဝယ် ကြေကွဲခြင်းတို့ဖြင့် ရင့်ရောနေ၏..
သောကမီးတို့သည် သူ၏ ရင်ဝယ် လောင်မြိုက်နေဟန်..
အော်..ဆက်ပါအုံး..ဒကာလေးရဲ့..ဘယ်လိုများဖြစ်တာတုန်း...
မနေ့ကဘုရား..သမီးလေးဆီက ဖုန်းလာတယ်..ဟိုမှာ အဆင်မပြေဘူးတဲ့..ဘုရား
ဒါကြောင့်မို့ သမီးလေးက ပြန်လာခြင်သတဲ့..ဘုရား
တပည့်တော်တို့လည်း သမီးလေးကို ဖြစ်စေခြင်လွန်းလို့သာ ငွေချီးငှါးပြီး လွှတ်လိုက်ရတာ...
တယ်ပြီးတော့လည်း စိတ်မချဘူးဘုရား....
ခုတော့ ..အရှင်ဘုရားရယ်..သမီးလေးအတွက်လည်း စိတ်မကောင်းရ..ငွေတိုးတွေကလည်း တက်ဆိုတော့..
တပည့်တော်လည်း ခုရက်ပိုင်းအတွင်း..စိတ်က တယ်မဟုတ်ခြင်ဘူးဘုရား...
ယခု မိမိတစ်ဦးတည်း ထိုင်နေတုန်း..အရင်ရက်က ဒကာလေး ပြောပြသွားသော စကားများကို ပြန်လည် ကြားယောင်မိခြင်းဖြစ်၏.....
ယခုတော့..ဒကာသံယောဇဉ်ကို အကြောင်းပြုပြီး မိမိသည်လည်းစိတ်မကောင်းခြေ...
သံယောဇဉ်အနှောင်အဖွဲ့များကြောင့်..ပူလောင်ရပုံကို အသိသား...
သံယောဇဉ်နှင့် ပတ်သက်ပြီး ရှင်တော်ဗုဒ္ဓဟောကြားတော်မူခဲ့သော တရားဓမ္မကို ပြန်လည် စဉ်းစားမိလေသည်...
ရှင်တော်ဗုဒ္ဓက..သံယောဇဉ်ကို သာယာဖွယ်လို့ ထင်နေသူနဲ့..သံယောဇဉ်ကို ငြီးငွေ့ဖွယ်လို့ ရှုမြင်သူဆိုပြီး ..နှစ်ဦးရှိတဲ့အကြောင်း ..အဂုင်္တ္တိုရ်မှာ ဟောကြားထားခဲ့ပါတယ်..
သံယောဇဉ်တရားကို သာယာဖွယ်လို့ ရှုမြင်သူမှာ ရာဂ ဒေါသ မောဟတွေ တိုးပွားလာမယ်..အဲဒီ ရာဂ ဒေါသ မောဟကြောင့်မှာ ကိုယ်မှာ ပူလောင်မှုသောက တွေ စိုးရိမ်ပင်ပန်းဆင်းရဲရခြင်း ဒုက္ခတွေ တိုးလာမယ်..
သံယောဇဉ်ဆိုတာကို ငြိးငွေ့ဖွယ်လို့ ရှုမြင်သူအတွက် ရာဂဒေါသမောဟတွေ ကင်းလာမယ်..
ရာဂဒေါသမောဟတွေ ကင်းလာရင် ပူလောင်မှုသောကတွေ စိုးရိမ်ပင်ပန်းဆင်းရဲရခြင်းဒုက္ခတွေ မရှိတော့ဘူးပေါ့...
ဒီတော့...ကိုယ်ဟာ သံယောဇဉ်နှင့် ပတ်သက်ပြိး ဘယ်လမ်းကြောင်းကို လိုက်နေမိသလဲဆိုတာကို စဉ်းစားရင်း......

Sunday, August 23, 2009

မဟာအတုလဂုဏ်ရည် မန်းရွှေလီကျောင်းတော်

မန္တလေးမြို့၊ အဝေရာရာမ ရန်ကင်းကျောင်းတိုက်အတွင်းရှိ မဟာအတုလဂုဏ်ရည် မန်းရွှေလီကျောင်းတော်ကြီး



သိန်းပေါင်းငါးထောင်ကျော် ကုန်ကျသော မဟာအတုလဂုဏ်ရည် မန်းရွှေလီကျောင်းတော်ကြီးကို မန္တလေးမြို့ မန်းရွှေလီကုမ္ပဏီပိုင်ရှင် ကျောင်းဒါယကာဘုရားဒါယကာ ရဟန်းဒါယကာ ပိဋကတ်သုံးပုံဒါယကာ ဦးဝင်းဆွေ+ ကျောင်းဒါယိကာမ ဘုရားဒါယိကာမ ရဟန်းဒါယိကာမ ပိဋကတ်သုံးပုံဒါယိကာမ ဒေါ်တင်တင်ခိုင် သား=ဥက္ကာဝင်းဆွေ သွန်းထက်ဝင်းဆွေ သမီး-စန္ဒီဝင်းဆွေ မိသားစုမှ နိဗ္ဗာန်ရည်းမှန်း လှူဒါန်းပါသည်.